latest

10ଟି ଜିଲ୍ଲାର 34ଟି ମତଦାନ କେନ୍ଦ୍ରରେ 19ରେ ସାନି ଭୋଟ

Spread the love

ଭାରତୀୟ ନିର୍ବାଚନ କମିଶନ ଓଡ଼ିଶାର 10ଟି ଜିଲ୍ଲାର 34ଟି ଭୋଟ୍‍ ଗ୍ରହଣ କେନ୍ଦ୍ରରେ ପୁନଃମତଦାନ ପାଇଁ ନିର୍ଦ୍ଦେଶ ଦେଇଛି । ଭୁବନେଶ୍ବରଠାରେ ରାଜ୍ୟ ମୁଖ୍ୟନିର୍ବାଚନ ଅଧିକାରୀ ସୁରେନ୍ଦ୍ର କୁମାର ସାମ୍ବାଦିକମାନଙ୍କୁ କହିଛନ୍ତି 10ଟି ଜିଲ୍ଲାର ଭିନ୍ନ ଭିନ୍ନ ବିଧାନସଭା ନିର୍ବାଚନ ମଣ୍ଡଳୀରେ ପୁନଃ ମତଦାନ ହେବ। ଯେଉଁ 34ଟି ଭୋଟଗ୍ରହଣ କେନ୍ଦ୍ରରେ ପୁନଃ ମତଦାନ ହେବ, ସେଗୁଡ଼ିକ ମଧ୍ୟରୁ 12ଟି ଭୋଟ୍‍ଗ୍ରହଣ କେନ୍ଦ୍ର ପାଇଁ ତୃତୀୟ ପର୍ଯ୍ୟାୟରେ ମତଦାନ ହୋଇଥିବା ବେଳେ 22ଟି ଭୋଟ୍‍ଗ୍ରହଣ କେନ୍ଦ୍ର ପାଇଁ ଚତୁର୍ଥ ପର୍ଯ୍ୟାୟରେ ମତଦାନ ହୋଇଥିଲା। ବିଭିନ୍ନ କାରଣରୁ ଅନିମିତ୍ତତା ଓ ତ୍ରୁଟି ଯୋଗୁଁ ଏହି ସବୁ ବୁଥରେ ସାନି ମତଦାନ ହେବ। ଆସନ୍ତା 19 ତାରିଖରେ ସପ୍ତମ ପର୍ଯ୍ୟାୟ ମତଦାନ ସମୟରେ ଏହି ସବୁ  ମତଦାନ କେନ୍ଦ୍ରରେ ସାନି ମତଦାନ ହେବ।

ବରୀର ୫ଟି ବୁଥ୍, ବାରିପଦା, ମାହାଙ୍ଗା ଓ ଆଠଗଡ଼ରେ 4ଟି ଲେଖଁଏ ବୁଥ୍, ଜଳେଶ୍ବର, ବ୍ରହ୍ମଗିରି ଓ ବିଞ୍ଝାରପୁରରେ 2ଟି ଲେଖାଁଏ ବୁଥ୍, ବଡ଼ମ୍ବା, ଦେବଗଡ, ସତ୍ୟବାଦୀ, ତାଳଚେର, ଘଷିପୁରା, ଭୁବନେଶ୍ବର ମଧ୍ୟ, ଧର୍ଶାମଳା, ସୁକିନ୍ଦା, ବାଙ୍ଗିରିପୋଷି, ସାଲେପୁର ଓ ପାରଦ୍ବୀପରେ ଗୋଟିଏ ଲେଖାଁଏ ବୁଥରେ ସାନି ମତଦାନ ହେବ।

Tags:

Leave a Reply

Your email address will not be published. Required fields are marked *