‘ରାଇଜିଙ୍ଗ ଷ୍ଟାର-3’ର ତାଜ୍ ଜିତିଲେ ଅଫତାବ

Spread the love

ପଞ୍ଜାବ ସ୍ଥିତ ଫରିଦକୋଟର 12 ବର୍ଷୀୟ ଅଫତାବ ସିଂହ କଲର୍ସ ଟିଭିରେ ପ୍ରସାରିତ ହେଉଥିବା ସଙ୍ଗୀତ ଭିତ୍ତିକ ରିୟାଲିଟି ଶୋ’ ‘ରାଇଜିଙ୍ଗ୍‍ ଷ୍ଟାର ସିଜନ୍‍-3’ର ବିଜେତା ସାଜିଛନ୍ତି। ଶନିବାର ଶୋ’ର ଗ୍ରାଣ୍ଡ ଫିନାଲେରେ ଅଫତାବଙ୍କୁ ବିଜେତା ଘୋଷଣା କରାଯିବା ସହ ଟ୍ରଫି ଓ 10 ଲକ୍ଷ ଟଙ୍କାର ପୁରସ୍କାର ରାଶି ପ୍ରଦାନ କରାଯାଇଛି।

ସେହିପରି ଶୋ’ର ପ୍ରଥମ ରନର୍ସ ଅପ୍‍ ହୋଇଥିବା ଦିବାକର ଶର୍ମାଙ୍କୁ 5 ଲକ୍ଷ ଟଙ୍କାର ପୁରସ୍କାର ରାଶି ପ୍ରଦାନ କରାଯାଇଛି। ଶୋ’ର ଅନ୍ତିମ ପର୍ଯ୍ୟାୟରେ ମୋଟ୍‍ 4 ଜଣ ପ୍ରତିଯୋଗୀ ପହଞ୍ଚିଥିଲେ। ସେମାନେ ହେଉଛନ୍ତି, ଅଫତାବ ସିଂହ, ଦିବାକର ଶର୍ମା, ସଞ୍ଜୟ ସତୀଶ ଏବଂ ଅଭିଷେକ ସରାଫ। ଏମାନଙ୍କ ମଧ୍ୟରେ ଅଫତାବଙ୍କ ବୟସ ସବୁଠାରୁ କମ୍‍। ଅଫତାବଙ୍କ ପାଇଁ ପ୍ରଶଂସକମାନେ ମୋଟ୍‍ 90 ପ୍ରତିଶତ ଭୋଟ୍‍ କରିଥିଲେ।ସୂଚନାଯୋଗ୍ୟ, ଅଫତାବ ପୂର୍ବରୁ ‘ସାରେଗାମାପା ଲିଟିଲ୍‍ ଚ୍ୟାମ୍ପ୍ସ(2017)’ରେ ମଧ୍ୟ ଭାଗ ନେଇଥିଲେ। ମାତ୍ର ସେଥିରେ ସେ ଟପ୍‍ 7 ପର୍ଯ୍ୟନ୍ତ ଯାଇଥିଲେ।

Leave a Reply

Your email address will not be published. Required fields are marked *