latest

ବିଜେପି ନେତା ଚିନ୍ମୟାନନ୍ଦ ମାମଲାରେ ପୀଡିତା ଗିରଫ

Spread the News

 ବିଜେପି ନେତା ଚିନ୍ମୟାନନ୍ଦଙ୍କ ବିରୋଧରେ ଯୌନ ନିର୍ଯାତନା ଅଭିଯୋଗ ଆଣିଥିବା ପୀଡ଼ିତାଙ୍କୁ ଆଜି ସକାଳେ ପୁଲିସ୍ ଗରିଫ କରିଥିଲା। ଏହାପରେ ସ୍ଥାନୀୟ କୋର୍ଟରେ ହାଜର କରାଯାଇଥିଲା। ଉତ୍ତରପ୍ରଦେଶ ଡିଜିପି ଓପି ସିଂହ ଗଣମାଧ୍ୟମକୁ ପ୍ରତିକ୍ରିୟା ଦେଇ କହିଛନ୍ତି ପୀଡ଼ିତା ଚିନ୍ମୟାନ୍ଦଙ୍କୁ ପଇସା ଦେବା ପାଇଁ ଧମକ ଦେଇଥିଲେ। ଏ ନେଇ ଏସଆଇଟି ପ୍ରମାଣ ପାଇବା ପରେ ପୁଲିସ୍ ଗିରଫ କରିଛି। ସୁପ୍ରିମକୋର୍ଟଙ୍କ ନିର୍ଦ୍ଦେଶକ୍ରମେ ଏହି ହାଇପ୍ରୋଫାଇଲ କେସର ତଦନ୍ତ ଏସ୍ଆଇଟି କରୁଛି। ଚିନ୍ମୟାନନ୍ଦଙ୍କ ନିକଟରୁ ପାଞ୍ଚ କୋଟି ଟଙ୍କା ବଳପୂର୍ବକ ଆଦାୟ କରିବା ଅଭିଯୋଗରେ ଏସଆଇଟି ଏକ ଭିଡିଓ ପାଇଛି। ଏହାପରେ ଆଜି ପୁଲିସ୍ ପୀଡ଼ିତାଙ୍କୁ ଗିରଫ କରିଥିଲା। ଏହି ମାମଲା ସହ ଜଡ଼ିତ ଥିବା ତିନି ଯୁବକଙ୍କୁ ଗତ ସପ୍ତାହରେ ପୁଲିସ୍ ଗିରଫ କରିଥିଲା।

ଏହାପରେ ପୀଡ଼ିତାଙ୍କ ଗିରଫ ସମ୍ଭାବନା ଗତକାଲିଠୁ ବଢ଼ିଯାଇଥିଲା। ଏହି ଘଟଣାରେ ଏସଆଇଟି ଏକ ନିଖୋଜ ମୋବାଇଲକୁ ପାଇଛି। ଯାହାକି ଆଗାମୀ ଦିନରେ ଅନେକ ଗୁମର ଖୋଲିବ ବୋଲି ଏସଆଇଟି ଆଶା ରଖିଛି। ସୋମବାର ଆହ୍ଲାବାଦ ହାଇକୋର୍ଟରେ ପୁଲିସ ଗିରଫଦାରୀରୁ ବର୍ତ୍ତିବା ପାଇଁ ପୀଡ଼ିତା ଆବେଦନ କରିଥିଲେ। ହେଲେ କୋର୍ଟ ଆବେଦନକୁ ଖାରଜ କରିଥିଲେ। ଏହାପରେ ଗତକାଲି ଶାହାଜାହାନପୁର କୋର୍ଟରେ ଅଗ୍ରୀମ ଜାମିନ୍ ପାଇଁ ପୀଡ଼ିତା କୋର୍ଟରେ ଆବେଦନ କରିଥିଲେ। ଯାହାର ଶୁଣାଣି 26 ପୂର୍ବରୁ ହୋଇପାରିବ ନାହିଁ ହେବ ବୋଲି କୋର୍ଟ କହିଥିଲେ। ଏହାପରେ ପୁଲିସ ପୀଡ଼ିତାଙ୍କୁ ଅଟକ ରଖି ପଚରାଉଚରା କରିବା ପାଇଁ ନେଇଯାଇଥିଲା। ସୂଚନାଯୋଗ୍ୟ, ଚିନ୍ମୟାନନ୍ଦ ଲ’ କଲେଜରେ ଆଇନରେ ପିଜି କରୁଛନ୍ତି ପୀଡ଼ିତା। ପାଠ ପଢ଼ିବା ବେଳେ କଲେଜର ମାଲିକ ଚିନ୍ମୟାନନ୍ଦ ତାଙ୍କୁ ଯୌନ ନିର୍ଯାତନା ବର୍ଷେ ହେବ ଦେଉଥିଲେ ବୋଲି ଅଭିଯୋଗ କରିଥିଲେ। ଏହାପରେ ଚିନ୍ମୟାନନ୍ଦ ଜେଲ ଯାଇଛନ୍ତି।

Tags: