latest

ଜନ୍‌ସନ୍‌ ବେବି ପାଉଡରରେ ମିଳିଲା କର୍କଟ ରୋଗ ସୃଷ୍ଟିକାରୀ ତତ୍ତ୍ୱ

Spread the love

ନିଜ ପ୍ରଡକ୍ଟକୁ ନେଇ ପୂର୍ବରୁ ବିବାଦରେ ରହି ସାରିଥିବା ଆମେରିକୀୟ କମ୍ପାନି ଜନ୍‌ସନ୍‌ ଆଣ୍ଡ ଜନ୍‌ସନ୍‌ ପୁଣି ଥରେ ଚର୍ଚ୍ଚାରେ ରହିଛିି । ଆମେରିକାର ସ୍ୱାସ୍ଥ୍ୟ ନିୟାମକ କମ୍ପାନିର ପ୍ରଡକ୍ଟ ଯାଞ୍ଚ କରିବା ପରେ ସେଥିରେ ଆଜବେଷ୍ଟସ୍‌ର ମାତ୍ରା ଅଧିକ ଥିବା ସାମ୍ନାକୁ ଆସିଥିଲା । ଯାହା ପରେ କମ୍ପାନି ବଜାରରୁ ୩୩,୦୦୦ବେବି ପାଉଡରକୁ ଫେରାଇ ନେଇଥିବା ଜଣା ପଡ଼ିଛି । କାରଣ ପାଉଡରରେ ମିଳିଥିବା ଆଜ୍‌ବେଷ୍ଟସ୍‌ରେ କାର୍ସିନୋଜେନ ରହିଛି ଯାହା ଶରୀରରେ କର୍କଟ ରୋଗ ସୃଷ୍ଟି କରିଥାଏ । ଏହି ଖବର ସାମ୍ନାକୁ ଆସିବା ପରେ କମ୍ପାନି ଏବେ ପୁଣି ବିବାଦରେ ଛନ୍ଦି ହୋଇଛି ।

ତେବେ ଏହା ପ୍ରଥମ ନୁହେଁ ଏହା ପୂର୍ବରୁ କମ୍ପାନିର ସାମ୍ପୁ ଓ ଅନ୍ୟ ପ୍ରଡକ୍ଟରେ ହାନିକାରକ ତତ୍ତ୍ୱ ରହିଥିବା ନେଇ ଲୋକେ ପୂର୍ବରୁ ଅଭିଯୋଗ କରି ଆସିଛନ୍ତି । ଯାହା ପାଇଁ କମ୍ପାନି ବିବାଦରେ ରହିଥିବା ବେଳେ ଏହାର ପ୍ରଡକ୍ଟକୁ ଯାଞ୍ଚ ପାଇଁ ପଠାଯାଇଥିଲା । ଯାଞ୍ଚ ପରେ ଏବେ ଲୋକଙ୍କ ଅଭିଯୋଗ ସତ ବୋଲି ପ୍ରମାଣ ହୋଇଛି ।

Tags: