latest

ଡାକ୍ତରଙ୍କ କାନ ଛିଡ଼ାଇ ଦେଲେ ରୋଗୀଙ୍କ ସମ୍ପର୍କୀୟ

Spread the News

ବ୍ରହ୍ମପୁର ଏମକେସିଜି ମେଡିକାଲ କଲେଜ ଓ ହସ୍ପିଟାଲରେ ଆଜି ଏକ ଅଭାବନୀୟ ଘଟଣା ଘଟିଛି। ଜଣେ ରୋଗୀଙ୍କ ସମ୍ପର୍କୀୟ କାର୍ଯ୍ୟରତ ଡ଼ାକ୍ତରଙ୍କ କାନକୁ କାମୁଡି ଛିଡ଼ାଇ ଦେଇଛନ୍ତି। ପ୍ରତିବାଦରେ ଏମକେସିଜିର ପିଜି ଡାକ୍ତରମାନେ କାମବନ୍ଦ କରି ଅଭିଯୁକ୍ତକୁ ଗିରଫ ଦାବି କରିଛନ୍ତି।

ସୂଚନାଯୋଗ୍ୟ, ଏମକେସିଜି ପ୍ରସୂତି ଓ ସ୍ତ୍ରୀ ରୋଗ ବିଭାଗ ଲେବର ରୁମରେ ଜଣେ ବ୍ୟକ୍ତିଙ୍କ ଗର୍ଭବତୀ ସ୍ତ୍ରୀ ଭର୍ତ୍ତି ହୋଇଥିଲେ। ଗର୍ଭବତୀଙ୍କୁ ଡାକ୍ତରମାନେ ଲେବର ରୁମକୁ ନେବାବେଳେ ସେହି ବ୍ୟକି ଜଣକ ମଧ୍ୟ ଲେବର ରୁମରେ ପଶିଥିଲେ। ହେଲେ ଲେବର ରୁମକୁ ପୁରୁଷ ବ୍ୟକ୍ତି ପ୍ରବେଶ ନିଷେଧ ବୋଲି ଡାକ୍ତରମାନେ କହିବା ପରେ ବ୍ୟକ୍ତି ଜଣକ ଯୁକ୍ତିତର୍କ କରିଥିଲେ।

କିଛିସମୟ ଯୁକ୍ତିତର୍କ ପରେ ସେଠାରେ ଉପସ୍ଥିତ ଏକାଧିକ ଡାକ୍ତର ଓ ସେହି ବ୍ୟକ୍ତିଙ୍କ ମଧ୍ୟରେ ହତାହାତି ହୋଇଥିଲା। ଉତେଜିତ ହୋଇ ବ୍ୟକ୍ତି ଜଣଙ୍କ ଜଣେ ପିଜି ଡାକ୍ତରଙ୍କ କାନକୁ କାମୁଡି ଦେଇଥିଲେ। ଡାକ୍ତରଙ୍କ କାନରୁ ମାଂସ ଛିଡି ଯାଇଛି। ତାଙ୍କୁ କାଜୁଆଲିଟିରେ ଭର୍ତ୍ତି କରାଯାଇଛି। ଏପଟେ ଏମକେସିଜି ଫାଣ୍ଡି ପୁଲିସ ସଂପୃକ୍ତ ବ୍ୟକ୍ତିଙ୍କୁ ଅଟକ ରଖିଛି।

Tags: , ,