ପୁଣି ଚଳନ୍ତା ବସ୍‌ରେ ମହିଳାଙ୍କୁ ଦୁଷ୍କର୍ମ, ଜଣେ ଗିରଫ

Spread the News

ଉତ୍ତରପ୍ରଦେଶର ଗୌତମ ନଗରରେ  ଜଣେ ବିବାହିତ ମହିଳାଙ୍କୁ ଚଳନ୍ତା ବସ୍‌ରେ ଦୁଷ୍କର୍ମ କରାଯାଇଥିବା ଅଭିଯୋଗ ହୋଇଛି। 

ସୂଚନାଯୋଗ୍ୟ ଯେ, ଜଣେ ମହିଳା ନିଜ ଦୁଇ ପିଲାଙ୍କୁ ନେଇ ବିଳମ୍ବିତ ରାତିରେ ନୋଏଡା ଅଭିମୁଖେ ଯିବା ପାଇଁ ବାହାରିଥିଲେ । ପ୍ରତାପଗଡରୁ ନୋଏଡା ଅଭମୁଖେ ଯିବା ପାଇଁ ନିଜର ଦୁଇ ପିଲାଙ୍କ ସହ ସେ ବସରେ‌ ଯାତ୍ରା କରିଥିଲେ । ନୋଏଡାରେ ମହିଳାଙ୍କ ସ୍ୱାମୀ ପନିପରିବା ବିକ୍ରି କରନ୍ତି । ସ୍ୱାମୀଙ୍କ ନିକଟକୁ ଯିବା ପାଇଁ ମହିଳା ଜଣଙ୍କ ବସ୍‌ରେ ବସିଥିଲେ । ବସ୍‌ଟି ଯାତ୍ରା କରିବା ସମୟରେ ଜଣେ ଅଭିଯୁକ୍ତ ମହିଳାଙ୍କୁ ଦୁଷ୍କର୍ମ କରିବା ପାଇଁ ଉଦ୍ୟମ କରିଥିଲା । କିନ୍ତୁ ମହିଳା ବାରଣ କରିବାରୁ ଅଭିଯୁକ୍ତ ମହିଳାଙ୍କ ୨ ଶିଶୁଙ୍କୁ ଆଣି ମାରିଦେବାକୁ ଧମକ ଦେଇଥିଲା । ଶେଷରେ ମହିଳାଙ୍କୁ ନେଇ ବସ୍‌ର ପଛ ସିଟ୍‌ରେ ଦୁଷ୍କର୍ମ କରିଥିଲା ଅଭିଯୁକ୍ତ । ମହିଳା ଯଦି ପାଟି କରିବେ ତେବେ ଜୀବନରୁ ମାରିଦେବାକୁ ମଧ୍ୟ ଧମକ ଦେଇଥିଲା ଅଭିଯୁକ୍ତ । ଅଭିଯୁକ୍ତକୁ ଏହି ଘଟଣାରେ ସହଯୋଗ କରିଥିଲା ବସ୍‌ରେ ଥିବା ସହଯୋଗୀ । ସେମାନେ ୨ ଶିଶୁଙ୍କୁ ଜୋର ଜବରଦସ୍ତ ରଖିଥିଲେ । କିନ୍ତୁ ସବୁଠାରୁ ବଡ କଥା ହେଉଛି ବସରେ‌ ଅନେକ ଯାତ୍ରୀ ରହିଥିଲେ । ସେମାନଙ୍କ ଉପସ୍ଥିତିରେ କିଭଳି ଏତେ ବଡ ଘଟଣା ଘଟିଗଲା ସେସଂପର୍କରେ କିଛି ଜାଣିପାରିଲେ ନାହିଁ ।

ତେବେ ଘଟଣାକୁ ନେଇ ନୋଏଡା ଥାନାରେ ମାମଲା ରୁଜୁ କରାଯାଇଥିଲା । ପୋଲିସ ଘଟଣାର ଛାନ୍‌ଭିନ୍‌ କରି ଦୁଇ ଜଣ ଅଭିଯୁକ୍ତଙ୍କ ମଧ୍ୟରୁ ଜଣେ ଅଭିଯୁକ୍ତକୁ ଗିରଫ କରିଛି । ତେବେ ଗିରଫ ହୋଇଥିବା ବ୍ୟକ୍ତିଜଣଙ୍କ ମଧ୍ୟରୁ ଜଣେ ବସ୍‌ ଡ୍ରାଇଭ୍‌ର ବୋଲି ଜଣାପଡିଛି ।  ଘଟଣାରେ ଆହୁରି ୨ଜଣ ଅଭିଯୁକ୍ତଙ୍କ ସନ୍ଧାନ କରୁଛି ପୋଲିସ । ଯିଏକି ଏହି ଘଟଣା ସହିତ ଜଡିତ ଥିବା ପୋଲିସ ପକ୍ଷରୁ କୁହାଯାଇଛି ।  ତେବେ ଆଇପିସିର ଧାରା ୩୭୬ , ୫୦୬, ୨୦୧ ଆଧାରରେ ନୋଏଡାର ସେକ୍ଟର ୨୦ ପୋଲିସ୍ ଷ୍ଟେସନରେ ମାମଲା ପଞ୍ଜୀକୃତ ହୋଇଛି ବୋଲି ପୋଲିସ ପକ୍ଷରୁ ସୂଚନା ଦିଆଯାଇଛି ।

Tags: