ସୁଶାନ୍ତ ସିଂ ମାମଲା; ପୁଣିଥରେ ଇଡି ଅଫିସରେ ହାଜର ହେଲେ ସିଦ୍ଧାର୍ଥ ପିଠାନି

Spread the News

ଅଭିନେତା ସୁଶାନ୍ତ ସିଂ ରାଜପୁତଙ୍କ ଫ୍ଲାଟମେଟ ସିଦ୍ଧାର୍ଥ ପିଠାନି ମଙ୍ଗଳବାର ପୁଣି ଥରେ ଏନଫୋର୍ସମେଣ୍ଟ ଡାଇରୋକରେଟ (ଇଡି) ରେ ହାଜର ହୋଇ ମନି ଲଣ୍ଡରିଂ ଘଟଣାରେ ତାଙ୍କ ବୟାନ ଦେଇଛନ୍ତି ।

ବୟାନ ଅନୁଯାୟୀ ଆଇଟି ପ୍ରଫେସନାଲ ସିଦ୍ଧାର୍ଥ ୧୪ ଜୁନ୍ ଦିନ ସୁଶାନ୍ତଙ୍କ ଫ୍ଲାଟରେ ଉପସ୍ଥିତ ଥିଲେ ଯେତେବେଳେ ଅଭିନେତାଙ୍କ ମୃତଦେହ ମିଳିଥିଲା । ସୋମବାର ତାଙ୍କୁ ପାଞ୍ଚ ଘଣ୍ଟାରୁ ଅଧିକ ସମୟ ଧରି ଫାଇନାସିଆଲ ଇନଭେଷ୍ଟିକେସନ ଏଜେନ୍ସିର ଅଧିକାରୀମାନେ ପଚରାଉଚରା କରିଥିଲେ।

ଜଣେ ଇଡି ଅଧିକାରୀ କହିଛନ୍ତି ଯେ, ସିଦ୍ଧାର୍ଥଙ୍କୁ ସୁଶାନ୍ତଙ୍କ ମନି ଲଣ୍ଡରିଂର ସହ ଜଡିତ ସମସ୍ତ ପ୍ରଶ୍ନ ପଚରାଯାଇଥିଲା ।

ଏଥିସହିତ ସୁଶାନ୍ତ ତାଙ୍କ କମ୍ପାନୀରେ ବିନିଯୋଗ କରିଥିବା ଟଙ୍କା ବିଷୟରେ ମଧ୍ୟ ପଚରାଉଚରା କରାଯାଇଛି । ଯେଉଁଥିରେ ସୁଶାନ୍ତଙ୍କ ଗର୍ଲଫ୍ରେଣ୍ଡ ରିୟା ଚକ୍ରବର୍ତ୍ତୀ ଏବଂ ତାଙ୍କ ଭାଇ ଶୋଭିକ ଚକ୍ରବର୍ତ୍ତୀ ଅନ୍ତର୍ଭୁକ୍ତ ।

ଏହି ଘଟଣାର ତଦନ୍ତରେ ଇଡି ଏପର୍ଯ୍ୟନ୍ତ 6 ଜଣଙ୍କୁ ପଚରାଉଚରା କରିଛନ୍ତି । ମଙ୍ଗଳବାର ସୁଶାନ୍ତଙ୍କ ଭଉଣୀ ମିତୁ ସିଂ ମଧ୍ୟ ଇଡି କାର୍ଯ୍ୟାଳୟରେ ପହଞ୍ଚିଛନ୍ତି ।