ତ୍ରିପୁରା ମୁଖ୍ୟମନ୍ତ୍ରୀ ଭାବେ ଶପଥ ନେଲେ ମାଣିକ ଶାହ

ତ୍ରିପୁରା ମୁଖ୍ୟମନ୍ତ୍ରୀ ଭାବେ ଶପଥ ନେଲେ ମାଣିକ ଶାହ

ତ୍ରିପୁରାର ନୂଆ ମୁଖ୍ୟମନ୍ତ୍ରୀ ଭାବେ ଶପଥ ନେଲେ ମାଣିକ ଶାହ। ରବିବାର ମାଣିକ ଶାହାଙ୍କୁ ଶପଥ ପାଠ କରାଇଛନ୍ତି ରାଜ୍ୟପାଳ ରମେଶ ବୈଶ ।

ଗତକାଲି ବିପ୍ଲବ ଦେବ ତ୍ରିପୁରା ମୁଖ୍ୟମନ୍ତ୍ରୀ ପଦରୁ ହଠାତ୍ ଇସ୍ତଫା ଦେଇଥିଲେ । ଏହା ପରେ ମାଣିକ ଶାହଙ୍କୁ ବିଧାୟକ ଦଳ ନତା ନିର୍ବାଚିତ କରାଯାଇଥଲା । କେନ୍ଦ୍ରୀୟ ପର୍ଯ୍ୟବେକ୍ଷକ ଭୁପେନ୍ଦ୍ର ଯାଦବଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ବିଦ୍ଧିବଦ୍ଧ ଭାବେ ମାଣିକ ଶାହାଙ୍କ ନାଁ ମୁଖ୍ୟମନ୍ତ୍ରୀ ଭାବେ ସୁପାରିଶ ହୋଇଥିଲା ।

ସୂଚନାଯୋଗ୍ୟ ଯେ, ୨୦୧୬ରେ କଂଗ୍ରେସ ଛାଡିବା ପରେ ବିଜେପିରେ ସାମିଲ ହୋଇଥିଲା ମାଣିକ ଶାହ । ୨୦୨୦ରେ ସେ ତ୍ରିପୁରା ବିଜେପି ଅଧ୍ୟକ୍ଷ ହେବା ସହ ରାଜ୍ୟସଭା ଯାଇଥିଲେ । ଶାହ ମୁଖ୍ୟମନ୍ତ୍ରୀ ହେବା ପରେ ଦଳୀୟ କମିଟିରେ ମଧ୍ୟ ନୂଆଁ ମୁହଁଙ୍କୁ ସାମିଲ କରାଯାଇଛି । ଦଳରେ ୭ ଜଣ ଉପ-ସଭାପତି ଏବଂ ୩ ଜଣ ସାଧାରଣ ସମ୍ପାଦକ ରହିବେ ବୋଲି ଜଣାପଡିଛି । ଏହା ସହିତ ୬ ଜଣ ସମ୍ପାଦକ ଏବଂ ୭ ଜଣ ମୁଖପାତ୍ର ମଧ୍ୟ ରହିବା ନେଇ ବିଜେପି ଯୋଜନା କରୁଛି ।